نادرا نے بینک ایپس کے ذریعے بائیومیٹرک تصدیق معطل کردی

نادرا کی جانب سے بینک کمسٹرز کی ایپ کی مدد سے بائیومیٹرک تصدیق کی سہولت معطل کر دی گئی ہے- نادرا حکام کے کہنا ہے کہ اس سہولت کے لیے بینکوں کو پہلے مرکزی بینک سے اجازت حاصل کرنا ہوگی-

ایپ کے ذریعے بائیو میٹرک تصدیق یہ سہولت بیرونِ ملک مقیم پاکستانیوں٬ مریضوں اور بزرگ شہریوں کے لیے انتہائی مفید تھی- لیکن اس معطلی کے بعد بائیومیٹرک کی تصدیق کا عمل سست روی کا شکار ہوجائے گا-

متعدد کمرشل بینکوں کی جانب سے ایپس متعارف کروائی گئی تھیں جس کے ذریعے ان کے صارف گھر بیٹھے ہی اپنے موبائل سے اپنے اکاؤنٹ کی بائیومیٹرک تصدیق کرواسکتے تھے- ان بینکوں میں میزان بینک٬ بینک الفلاح٬ سلک بینک اور اسٹینڈرڈ چارٹرڈ بینک شامل تھے-

بینکنگ ذرائع کا دعویٰ ہے کہ نادرا کی جانب سے انہیں کیا گیا ہے کہ اس سروس کی بحالی کے لیے پہلے وہ نئے قوائد و ضوابط کے تحت اسٹیٹ بینک سے اجازت حاصل کریں-

نادرا کا مؤقف ہے کہ بینکوں کے ساتھ بائیو میٹرک تصدیق کے لیے جو معاہدہ کیا گیا تھا اس میں ایپس کے ذریعے بائیومیٹرک تصدیق کی شرط شامل نہیں تھی-

اس کے برعکس بینکرز کا کہنا ہے کہ بائیومیٹرک تصدیق کے لیے ایپس کے متعارف کروائے جانے پر اسٹیٹ بینک نے خوشی کا اظہار کیا تھا اور ان کے نزدیک یہ طریقہ کار اکاؤنٹس کی تصدیق کے عمل کے لیے تیزی کا سبب بنا تھا-

اسٹیٹ بینک آف پاکستان کو اس معاملے میں مداخلت کرنی چاہیے اور یہ سہولت دوبارہ بحال کروانی چاہیے تاکہ بائیومیٹرک تصدیق کے عمل میں دوبارہ تیزی آسکے-

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

WhatsApp WhatsApp us